38歲賴慰玲與丈夫梁子峰2017年誕下兒子Marat，她今年8月宣布懷上第2胎，惟一直保密胎兒性別。賴慰玲昨天（26日）在社交平台分享開派對公布BB性別的影片，好友陳瀅、蔡思貝、吳嘉禧（Cheronna）、陳嘉寶及何雁詩也有現身。眾人先挑選代表男仔的粉藍色氣球還是代表女仔的粉紅色氣球，最後賴慰玲手持黑色氣球，打扮成小劍手的兒子Marat用劍刺穿氣球，彈出粉藍色紙碎，宣布第2胎是男仔。
賴慰玲說︰「我係一早知道My baby's gender，但我班老Best成日望住我個樣估得好開心，我就決定玩Gender Reveal Party，由小劍手親手揭曉。我真係一直都好口密，點知喺即將要揭曉前嘅3秒，我做咗全世界最值得取笑嘅事。『個氣球拎高啲先睇到啲藍色紙碎跌落嚟㗎嘛！』大家聽到藍色...就...咁囉﹗好多謝各位契爸爸契媽媽再推高個能量值，扮唔知咁...好驚喜咁...揭曉咗啦﹗多謝我們又一起見證了，人生的一個美好時刻。望住啲相sssss，從心而發的笑容最美。」
