陳家樂、岑麗香、蘇韻姿等昨晚（16日）到九龍城出席HOY TV原創劇《我愛九龍城》煞科宴，家樂及香香表示拍攝了3星期，當中最難忘與敖嘉年、泰臣拍打麻將戲，香香說：「本身唔識打，好彩角色都係唔識打，所以我就算講錯啲名都冇問題，令我冇咁大壓力，但我驚輸錢，所以唔想學。」家樂笑指這場戲只有他是唯一懂得打牌，問他打牌是否好叻？他說：「我以前曾經深造過，近10年已戒咗冇打，因為多咗嘢做，覺得打麻將坐喺度好耐，有啲浪費時間。」
香香直言拍攝期間，放工回家後，兩名兒子經常搗蛋及扭計想引她注意，她說：「老公話呢段期間，直頭覺得自己好似單身爸爸，囝囝還叫我auntie媽咪，覺得好好笑。」她表示早前和王君馨食飯，對方捉着她的手摸肚報喜，她也替對方開心，問可有估對方胎兒仔定女？她則道：「唔估，唔敢講，唔敢答！」
家樂指表示拍攝期間常向香香請教揀選學校，直言聽完很大壓力，他說：「真係要愈早開始，囡囡得幾個月大，都已經遲咗，真係驚㗎，怕冇得揀。」
