吳浩康（Deep）與郭思琳（Margiela）今年3月奉子成婚，兩人今日宣布兒子已在9月14日（上周三）出世，重8磅11。
Deep表示Margiela原本打算順產，但當日去到醫院後發現子宮頸未打開，即使在醫生建議下用了催生藥，身體仍未準備好讓兒子出來。他說︰「落咗催生藥後會不時有陣痛，仲要係幾犀利嘅陣痛，太太一路承受住痛楚，醫生同護士亦都同佢講子宮頸唔係好ready，唔ready嘅程度係，人哋有1至10度，我太太係1度都冇。太太內心失望之餘亦都好擔心，當然佢亦都好期待囝囝嘅出現，但始終冇呢方面嘅經驗，所以就會再擔心啲。佢足足經歷咗17個鐘頭嘅呢個狀况。」
Deep表示去到醫院時，姑娘對他說的第一句話是「你太太真係好忍得痛，佢可以咁樣頂，仲頂咗咁多個鐘」。兩人的兒子最後順利出世，母子平安，Deep還為兒子剪臍帶。Deep說︰「真係好佩服太太，同埋真係好多謝佢，一啲都唔簡單，希望我可以繼續好好配合佢嘅生活啦﹗」他表示目前仍跟爸爸商量兒子的名字，暫時未有定案。
