第27屆釜山國際電影節所設的第4屆亞洲內容大獎頒獎禮，已圓滿結束，有份提名最佳男配角的岑珈其，雖然不敵朴海秀，但此趟行程令珈其大開眼界兼收穫甚豐，因為他跟著名韓國影星宋康昊﹑姜棟元和朴海秀，以及日本知名導演是枝裕和集郵成功。
岑珈其臨上機前拍片分享感受：「完成咗喇，好唔捨得呀﹗因為實在太開心同太好玩，時間好短，一去到個行程好充實，好開心能夠親眼見證盛事，自己亦有份參與其中，真係好開心。
之後去After party，見到好尊敬嘅演員宋康昊及導演是枝裕和，同佢哋合照實在太開心，呢個旅程好美滿，少少遺憾係做完訪問後，已經要去機場，冇得留喺度玩，但我會Keep住呢份遺憾，令我繼續努力，希望下次再有其他作品，可以嚟韓國再玩過，到時帶埋老婆囝囝及媽咪一齊嚟﹗」
