鄭秀文（Sammi）、廖子妤、蔡思韵及楊文蔚，今天出席針織品牌限定店開幕。廖子妤表示穿上厚衫，回想10年前初來港的冬天感覺。
廖子妤自爆有個拍拖幾年男友，她面紅說：「都好傾得埋好開心，大家都係呢行，拍咗幾年拖，唔講邊個喇，可能好快冇，我個人比較負面。」問是否同公司男藝人？她即說：「我公司得麥子樂，唔係佢﹗」
談到跟男友可有結婚計劃？她說：「𠵱家我事業突然間難得行得好似幾好，唔好咁早結婚好似好啲，咁多年嚟來第一次咁忙好多嘢做，好攰但唔敢呻，我驚呻完就冇，加上最近拍馮允謙新歌MV，首歌講離婚，第時結婚要諗清楚啲，𠵱家工作為重，又唔係好有錢，行得好咪繼續開開心心囉﹗」她表示疫情關係，未有機會帶男友見家人，而她已見過男友家長，暫時相處開心。
