有報道指謝安琪（Kay）誕下囡囡張靖後，由於不時進補，仍未收身，又指Kay下半身較圓潤，要穿全黑的秋裝遮掩身形，有網民在社交網站留下涼薄留言惡意攻擊，甚至指阿聰和Kay整容。
「愛妻號」張繼聰今午在社交網站大反擊，他先cap低留言的圖片，然後撰文護妻，他坦言香港有言論自由，可惜未必每個人都有尊重別人的修養；阿聰又感謝Kay懷胎10月之苦，讚她是偉大母親，全文內容如下：
「香港有言論自由，可惜未必每位朋友都有尊重別人嘅修養。我好少放係（喺）心，更加唔會嬲，不過講我太太，我就講幾句。太陽係喺東邊升起，係唔需要証（證）明，又唔駛（使）討論，因為係事實。就好似我覺得我太太有幾靚一樣！
我感激我太太，暫時放低自己嘅事業，承受懷胎10月之苦，無微不至咁照顧我地（哋）嘅小朋友。依（呢）種已經唔係靚咁簡單，係為人父母嘅偉大。
仲有，女士們生完BB，最緊要係調理身體，根本唔需要介意身形。到適當嘅時候，先開始運動配合飲食，你慌唔會fit番？
大家放心，我老婆係唔會變番以前咁，而係會比以前更健康，更fit（更靚我就唔敢講啦，因為係我心目中已經好盡吓，不過唔介意再盡啲）
P.S. 睇見兩位朋友話我整容果個位⋯⋯我笑咗」
