【明報專訊】吳綺莉於大坑道寓所前晚疑閉門失竊，涉財物達17萬元，包括兩支價值10萬元結他、兩隻價值約7萬元戒指與衣物，警方將案件暫時列作「盜竊」處理。吳綺莉於前晚10時許報警，相隔10多小時後，昨午2時許，吳卓林與同性女友Andi出外時，向傳媒承認曾返家取衣服與結他。卓林聲稱事前已知會媽咪吳綺莉，對她突然報警感不解。吳綺莉昨被追訪拒回應，只表示交社工處理。
單位沒撬毁痕迹
吳卓林跟30歲外籍女友Andi關係曝光，10月初卓林「出櫃」，公開認戀Andi，兩人於北角劏房同居。事後吳綺莉透露卓林已離家3個月，母女沒相見，她繼續每星期給卓林生活費，女兒輟學後出外工作養女友。母女的衝突似緩和，前晚10時許吳綺莉返回跑馬地宏豐臺1號的寓所，發現單位凌亂，懷疑曾遭賊爆竊，遂報警求助。據悉經初步調查，單位大門及窗戶均沒發現被撬毁痕迹，暫不排除閉門失竊。昨早上記者致電吳綺莉，對於記者的查詢，她說﹕「做緊嘢，下午先講。」便匆忙掛線。
卓林與女友搭港鐵﹕根本係誤會
昨午2時，吳卓林與女友Andi離開北角寓所，她們著拖鞋一身街坊裝，Andi邊行邊吸煙，跟卓林在附近便利店買朱古力。兩人坐港鐵到灣仔，到了一間找換店匯錢。卓林發現傳媒追訪時，她說﹕「我無嘢講呀！（屋企的結他不見了？）唉！真係，唔知點解呢啲嘢我阿媽要講出嚟。（是否誤會？）根本係誤會，我有WhatsApp佢，話我返嚟攞嘢，我阿媽話OK。」問到有否攞過手表？（應為戒指）「我無攞過任何嘢，我WhatsApp佢話會返屋企攞嘢。」
「入屋無人 攞走幾件衫同結他」
卓林企定定接受記者訪問，她說﹕「你哋想知發生乜嘢事嗎？OK，我同我阿媽講好咗，我要回家攞啲嘢，攞返啲衫，攞返我自己啲嘢，佢話OK，咁我去到，佢唔喺度，因為我嚟緊可能要出trip一兩日，所以要攞返幾件衫。我入咗屋，因我有鎖匙，佢畀我嘅鎖匙，我之前有嘅，門鎖亦無換，咁我除咗攞幾件衫，仲攞咗我的結他。我有同佢講番，話如果佢唔想我攞，我畀番佢無問題，我點知佢會突然報警！我根本係好好哋同佢講好咗。跟住我問佢幾時返嚟，我仲有啲嘢要同佢傾。點知突然收到電話，話報咗警，我心諗做乜嘢啫？（媽咪聯絡你話報警？）唔係，警察無啦啦打嚟，媽咪無搵過我。」卓林承認回家取回物件，但提到媽咪報警時，明顯較激動。
吳綺莉外出買雪糕險撞車
吳綺莉近下午2時54分急步離開寓所，她駕車出外，駛到便利店買飲品、香煙、雪糕。記者告訴她卓林承認拿走了兩支結他，事前有通知過她，如果她不滿意，可以拿結他回家？她聞言只說「不好意思」，然後開車離開。吳綺莉開車回家時，在來回5分鐘車程有點心神恍惚，幾乎跟其他車迎頭相撞。她返家時再被追問卓林聲稱已通她要拿走結他？吳綺莉說﹕「唔好意思，唔好意思呀！真係無嘢講，交返畀社工！」會否到警署銷案？「真的不知，唔好意思。」可有找卓林傾吓？「唔好意思，搞到大家，唔好意思。」
兩批警員入住所查失竊案
昨日先後有兩批警員到吳綺莉寓所調查失竊案，探員表示案件仍在調查中，暫時未睇到CCTV。5時許吳綺莉再外出，駕車遊花園，由大坑到灣仔、銅鑼灣再到跑馬地，她在便利店買了5、6條雪條和香煙。問她案件調查進展？她說﹕「我無嘢講，唔好意思呀！」有否聯絡卓林？她未有回答。有指她下午已買雪糕，是想食多點甜品令自己開心？她笑說﹕「下午買雪糕，都無買雪條！」在寓所外再被追訪知否卓林就事件回應？她鬆一鬆膊頭﹕「唔好意思呀，辛苦晒。」
晚上7時許，卓林與女友Andi由寓所出外，她們見有記者守候便返回大廈，並從後門離開。兩人到了超市買雪糕，後來還是被記者追訪，卓林以手機影記者，沒有接受訪問。
記者﹕鍾一虹
攝影﹕黃梓烜、林祖傑
■更多娛樂猛料 ﹕ol.mingpao.com
