【今日直擊】容祖兒與周柏豪今日出席產品發布會。對於在網上自爆與Twins會有大Project進行，祖兒表示：「我們會一齊拍廣告，不過我自從6月生日已無見過阿嬌（鍾欣潼）。（阿嬌拍拖後重色輕友？）我唔好意思咁講，但極有可能有這個嫌疑，加上她又一直拍劇，真的無見面。往年萬聖節蔡卓妍都會約我去蘭桂坊開派對，今時今日就有毛有翼﹗（何不約會男友劉浩龍？）我返屋企﹗屋企都好好玩，有好多小朋友按門鐘攞糖﹗」
提到她今年不會出席4台的頒獎禮，祖兒直認此事，與公司已有共識，打算休息一會，加上今年真的無歌，「覺得年年都是我（攞獎）好唔健康，唔想阻住地球轉，亦不在乎蟬唔蟬聯問題，不想在寶座上賴死唔走。（張文新提議四台合一？）年年都咁講，以前都有期盼，希望有日成真，但一切都活在自己黃色大門入面。不過唔緊要，每個人都有自己心目中把呎，心目中的頒獎禮，出唔出席都唔緊要﹗」
