【今晚直撃】馬國明與黃心穎這對緋聞情侶今晚出席無綫台慶頒獎禮，一齊接受訪問。對於有報道指二人早前去歐洲旅行，馬國明直認表示：「是，好開心，就到假期去了荷蘭8日。（回來後感情大增？）係呀﹗仍是了解中，了解咗個荷蘭﹗（可以公開戀情？）了解中。（若果攞獎就公開？）唔會，唔會特登去講﹗」在旁黃心穎亦聲稱無必要講感情事。
提到黃心穎昨晚生日飯局，她向傳媒講大話說馬國明不在場，可是馬國明被發現走後門離開。黃心穎說：「因為想簡單食餐飯，當時知有記者跟住，又無理由改日子，家姐與小朋友特別從澳門過來，如果成班人行出來，好似做騷就唔想。（家庭飯局給對方名份？）都是介紹給家人認識﹗（結婚先至公佈？）真的有重要決定先公佈，唔想咁公開講自己感情事﹗」馬國明承認當時自己走後門，當晚是首次見黃心穎全家人，感覺大家從正門出來影合照，這是大尷尬，現在行後門就是小尷尬。
