【今晚直撃】無綫一年一度盛事，《萬千星輝頒獎典禮2017》今晚於電視城內舉行，一眾入圍女藝人性感行紅地氈，完全無視公司早前下達的「禁色令」，當中以唐詩詠、姚子羚、楊秀惠及朱晨麗最為性感，齊齊Deep V騷胸，相當誘人。
唐詩詠表示：「覺得件衫幾靚，但自己今日狀態不好，因為氣管敏感，唔小心被吹親。（仲咁性感？）因一早揀好這件衫，是未敏感之前﹗（宣萱仍未見人？）都未夠鐘，可能她會出席﹗（洪永城亦唔見人？）好似有工作在身，他都有寫長文幫我打氣？（想對方見證自己成功？）當然希望所有朋友睇到我若果成功的一刻，這就最好﹗」
姚子羚及楊秀惠同聲表示不是刻意賣弄性感，姚子羚覺得一年一次，加上公司無就這方面講過什麼，而楊秀惠坦言想領口再加高幾吋，只是太忙無時間去試衫。朱晨麗指公司有派工作人員幫大家防止走光，可以百份百放心。
