【今日直撃】鄭俊弘今日和菊梓喬（Hana）出席商場迎新春活動，跟粉絲互動玩遊戲，大擺心心甫士合照。鄭俊弘透露新年有假放，希望行花市及與家人食團年飯，「自己已準備好派開工利市，親自去銀行排隊換錢，好彩換到新銀紙。（預算派幾多利市？）唔會特別去計，總之盡量去派，會預多些，派唔晒就留番下年﹗（有否幫女友何雁詩預備？）吓﹗不用﹗」
至於情人節和女友如何慶祝？鄭俊弘說：「無準備節目或禮物﹗（唔擔心女友會嬲？）無想過特別買什麼禮物或去慶祝，若果利市當禮物，就封20元畀她﹗」鄭俊弘又話情人節當日要和Hana錄音，可是Hana卻爆他已錄好，疑似夜晚已有所安排。
