【明報專訊】27歲李蘊2015年與羅章冠結婚，育有2歲囡囡羅紫晞。今年3月她宣布懷第2胎，6月時透露佗B仔，與囡囡湊成「好」字。昨午她在社交平台宣布已於本周三（8月8日）誕下重約7磅的B仔，母子平安。她今胎一樣是順產，她說痛了3個多小時，比生囡囡的時間短好多，讚囝囝好惜媽媽。
李蘊在社交平台上載與老公及囝囝的合照，又有囡囡摸弟弟臉的溫馨照片。
「痛都是值得」
她留言道：「報喜啦！我哋嘅小寶貝喺8月8號38周當日已經出咗世啦！同家姐一樣順產，同樣重3.2kg（7.05磅）。不過今次只係痛咗3個幾鐘就生咗。雖然覺得痛過第一胎，但時間短好多，細佬真係惜住媽咪，多謝老公陪產期間，一直幫我加油同鼓勵我，仲幫我按摩紓緩痛楚。」她又多謝醫護人員，說生完翌日傷口已不痛，因為幾乎無傷口。她指兩次生B都有好好的體驗，現在她與囝囝已經回家休息，她再次開啟母乳媽媽模式，多謝大家關心！
李蘊說見到囝囝出世，痛都是值得，為了小朋友，媽媽是最偉大。她透露囡囡見到弟弟好興奮，說要惜弟弟，覺得囡囡會是好姐姐。
