昨日情人節，有名男子以Iron Man打扮、手執鮮花冧女，成為一時熱話。2人隨即遭起底，男主角叫Paul Ho，個女仔叫Fion，不過Paul原來是有家室之人，亦是黃夏蕙契仔，他明目張膽背妻偷食，送花冧Fion，搞到夏蕙姨嬲爆要鬧契仔，後來才得悉Paul只是搞噱頭做宣傳。
夏蕙姨接受《明報》訪問時說：「其實也不應該（指宣傳），如果是真的更加嬲，公然送花約會，不是這樣玩，婚姻不可以這樣玩，而且他是我的契仔，搞到我名譽掃地，我不開心，諗住逐他出家門，後來先知搞噱頭，但這樣玩也不對。（有無鬧契仔？）我昨日忙到死，又幫馬蹄露做嘉賓，邊得閒理他？我之後會再話他，幾多嘢玩，點解要咁玩？我聽朋友講有網民封他做賤男，你話係咪吖？做乜咁玩，不過總好過是真。（他約Fion睇戲？）反正是假的，約睇戲無所謂。」
（即時娛樂）
熱門新聞
