【今日直擊】黃翠如今日與陳庭欣、陳嘉容出席品牌開幕禮。對於舊娘家有線獲永升亞洲注資，翠如表示：「有留意，感覺是開心，有線好多幕後同事是睇住我大，個個人都有家庭，最開心大家可以繼續自己崗位工作，希望新領導人繼續用這班舊人。（有指為削減開支要裁1成人手？）好希望電視業界大家一齊做好，兜個圈之後，大家去另一個機構也好，大家可以做到想做崗位，因為幕後人才好重要。」
提到翠如爸爸的上市公司股價上升，翠如表示：「由第一日開始我從來無留意，一毫子都無持有，就連股票號碼都唔知，因為我無買股票，只俾心機做好自己工作，由細到大都好踏實，用自己掙的錢。我儲錢好想買樓，但聽到一個單位可能要過千萬，真係要好審慎。」
