身懷六甲近日身家暴漲，有香港女首富之稱的陳凱韻(甘比)，邀請紅姑鍾楚紅一起接受雪糕挑戰(ICE-CREAM CHALLENGE)，完成之後交給袁詠儀，何超蓮與林建岳接棒來挑戰，各人近日紛紛「找數」。今日迎月佳節，靚靚(袁詠儀)拉埋老公張智霖穿情侶裝一起行善，靚靚上載片段更留言:「大家都一定估到, 要接受一個咁正的挑戰, 我當然是找我的最佳拍檔兼老公ChiLam一齊拍住上, 拍番段溫馨又Sweet Sweet的CHALLENGE!」
ChiLam提及早前更嘗試參與訓練導盲犬，他更深感受視障人士與導盲犬是二合為一，彼此都是互相照應。靚靚與張智霖坐言起行單手食雪糕，靚靚狂塞畀老公食，令靚仔變花面貓，ChiLan笑說好飽呀!兩人順利完成，靚靚提出由蘇永康、張玉珊及蔡一智太太周雪芳繼續接力行善。
