衛詩雅(Michelle）昨日獲邀到深圳看NBA中國賽勇士對木狼，她首次現場睇NBA，身邊是余文樂與前NBA球星易建聯。她說:「氣氛熱鬧過睇電視幾十倍！我都叫到聲沙，我坐第一行，連球員喘氣聲都聽到，不過真係好驚佢哋救波時停唔切衝埋觀眾席，肯定砸死我。」
Michelle對NBA有興趣因前男友是籃球健將，漸漸她愛上籃球比賽的刺激對戰。她笑言男仔運動叻一定加好多分。下場NBA中國賽將於10月8日移師上海，Michelle本來已找了機票兼酒店準備出發再觀戰，但最終因要飛到日本開拍新戲無法成行，她希望下次去美國睇，一票難求都要搶飛睇！
