【今日直撃】無綫《萬千星輝頒獎典禮2017》今日公布提名名單，《降魔的》馬國明及《使徒行者2》袁偉豪皆榜上有名，馬國明最近更被看好成為視帝。馬國明表示：「都是平常心，今年好似好難捉路，好多人都有機會，之前新加坡是王浩信，馬來西亞是三哥（苗僑偉），好多未知之數…，唔似早1、2年一定是邊個攞咁﹗（覺得最大對手是誰？）真的唔識講﹗（王浩信？）他做盲俠好好，由《EU超時任務》、《不懂撒嬌的女人》到《踩過界》，每一齣都進步得好犀利。（緋聞女友黃心穎升呢角逐視后？支持？）我支持，一定支持，會幫手拉票，希望大家投黃心穎一票，但覺得她們咁新，有主角提名已是一個幾好鼓勵。（一齊上台攞獎？）真的無想過，有又唔抗拒，是開心事﹗」
袁偉豪對自己首次提名視帝信心一般，睇好馬國明及王浩信外，亦覺得三哥好大機會，因為《使徒行者2》全靠對方帶出整個故事。
