【明報專訊】袁詠儀（靚靚）昨日到中環出席主演微電影《愛在當下》首映。故事由真人真事改編，扮演賢妻良母的靚靚遭逢家庭巨變，跟患癌老公和發現腦腫瘤女兒以愛戰勝危疾。靚靚看片後眼濕濕，表示因劇本好才接演，又大讚6歲童星Mia，不過中途也有小插曲，Mia因抗拒演被靚靚責罵的戲分而躲在片場角落灑淚，靚靚要出盡零食、小動物跟Mia講道理，才成功游說繼續拍攝，靚靚說﹕「一take過拍完個鏡頭，Mia崩潰，找另一小女孩替身補拍又崩潰，我一日做錯兩件事，嚇親小孩子，不過小孩子好善變，第二天又無事。」
「邊睇新聞邊喊」
靚靚自爆很喜歡Mia，故將合照放在手機留念。兒子魔童見到未有呷醋？她說﹕「放女仔相無事，如果放男仔相，他就會呷醋。」可有考慮追個女？靚靚說﹕「你以為我26歲咩！」
講起生兒育女，靚靚對於近日發生5歲女孩臨臨被虐致死的新聞大表心痛，她哽咽說﹕「覺得社會需要檢討一吓，人與人之間包容不夠，我剛從內地回來，一邊睇這單新聞一邊喊，我接受不到，覺得不夠愛，就算對動物都不會這樣，何况是人，我好耐未試過想講粗口鬧人、打人！我知有怨恨不對，應該要寬恕、善良多一點，Mia跟那女孩差不多年紀，不明點解會這樣？」她狠批向女孩施虐的父母必須嚴懲，她說﹕「香港法律可不可以有控方、無辯方，因為他們已經無說話好講，相信他們受最大的懲罰是心理。」
