TVB頒獎禮周日舉行，今次鬥得好激烈，唐詩詠挑戰宣萱，有洪永城(Tony)出招打氣。在復合的傳聞下，洪永城今晚行動表態，他公開為唐詩詠拉票，他的一票亦已給詩詠。他留言:「記得曾經問過你，如果你攞『最佳女主角』，你會講啲咩？你話：『有機會攞先算啦。』今年終於到你。有樣嘢非常之佩服你，喺劇組咁多年，我從來未聽過一個人講你壞話，只聽到詩詠好、詩詠得、詩詠無得頂，淨係呢個原因你都至少攞個最佳人緣獎啦。當然你點會剩係得呢個奬咁簡單，見到你每次開劇之前角色上嘅準備工夫，令自己投入狀態，而在劇拍攝中無論自己生活中在幾多嘅情緒，你都保持在那狀態之中，你係我心目中嘅最佳女主角，咁多年嘅努力，希望今次你得。」
洪永城這篇拉票宣言被網民看成愛的宣言，睇留言仲精彩。「拉乜鬼票，求婚啦!」、「生命中只得一位女主角請你好好珍惜」，「復合」、「結婚」的留言不斷，今次要看洪永城為詩詠拉票能否兼重奪芳心了!
