【今晚直撃】無綫《萬千星輝頒獎典禮2017》紅地氈有人性感，亦有人密實示人，當中視后胡定欣與高海寧今年玩低調，令人頗為失望。
胡定欣認為自己有騷出身材及身形，很早已挑選這套戰衣，是英國的品牌，加上今年會興珠片。至於不覺得太過密實？她說：「唔會，覺得著出個人風格，自己好喜歡的衫。（上年是勁Deep V的？）上年是露前面，今年是露後面，不是年年都要露前面﹗」
向來性感的高海寧死撐表示：「我有露膊頭、手臂，其實我覺得凍，又怕凍，最重要出來感覺舒服、靚就可以。（因禁色令才這樣？）唔關事，一早已揀定這件衫，之前亦講過唔想著得咁性感，真心想大家留意我演技方面，但又不是以後唔性感，拍劇有需要都會的﹗」
