【今晚直擊】楊受成公司旗下藝人鍾欣潼（阿嬌）答應男友賴弘國求婚，今晚他出席惠英紅生日派對時，即獲傳媒恭喜他嫁女，楊受成笑說：「多謝﹗多謝﹗我都見過她未婚夫，印象好靚仔，阿嬌都執到﹗我和他傾過兩句，睇樣知是好人，斯文，有好職業，樣子又好，對阿嬌好唔好就唔知，應該都好，見阿嬌咁開心。今朝阿嬌Wechat我話：『老闆，有人向我求婚﹗』，我就覆佢：『熱烈祝賀，恭喜晒你，你執到嗱﹗』。（會送大禮？）有，會做大龍鳳鈪給她，亦會叫楊太揀份靚禮物，她今年擺唔擺酒就未知，我送酒席都無所謂，要幾多錢，都唔多錢，我包亦無乜所謂﹗」
