卓韻芝在著作《峰迴路轉》中自爆接受拍拖3個月的男友求婚，她接受《明報》訪問時表示：「多謝大家關心，我係答應求婚，所以先寫出來。我哋認識三個月時間，相識第一日已經認定呢個人，因為個感覺帶住我哋走，反而唔係任何實質嘅嘢，我從來都無想過對方嘅來路同背景，甚至生活同興趣係咪夾都唔知，反而第一日憑感覺已經決定呢件事。」阿芝稱跟對方相處三個月來都沒有合照，拍拖都甚少舉起手機，至於求婚戒指，她說：「合照同戒指一樣要後補，因為佢話要自己揼鐵去整，我見佢買晒工具，慢慢期待一下佢作品。」
問到婚禮的安排，阿芝說：「暫時未有具體婚禮計劃，會坐低同婆婆商量先，我婆婆好似一早感覺到咁，成日都腰潤我，又刻意咁問起他，老人家果然眉精眼企。」她說自己作為作家，第一件事就是想同讀者分享，身邊好多朋友都未知道，不過今日之後，她會陸續向好朋友親口報喜，能夠親耳聽到大家恭喜都好開心。
