沈震軒（Sammy）早前到馬來西亞吉隆坡出席網劇《蝕日風暴》發布會，同劇演員張智霖、薛凱琪、王陽明、梁靖琪、陳啟泰與盧惠光等出席，與當地媒體見面後；Sammy特別安排粉絲見面會。
粉絲們自製心意卡捧場，令Sammy十分感動，他說：「馬拉Fans成日都話好想見我，佢哋真係好Nice好熱情，大家都好開心。」近期愛上Busking的Sammy，近至銅鑼灣、尖沙咀、遠達日本、加拿大也曾在街頭自彈自唱。原本他打算在馬來西亞Busking，但因為拍戲只帶了結他，沒有喇叭，故在見面會上自彈自唱國語歌《我真的很好》畀粉絲聽 。他笑言若在吉隆坡街頭Busking怕畀警察趕。
在《蝕日風暴》中，Sammy飾演馬來西亞華裔警察，妻子是馬來人，並育有一子。雖然劇組沒有特別要求Sammy講馬拉話，但為了令自己更像當地人，決定開拍前做足準備：「我學馬拉話，又學馬拉人講英文嘅口音，跟劇中我老婆、仔仔講咗好多馬拉話對白，令角色立體啲」。他又提到這次拍攝與張智霖、薛凱琪、王陽明等合作很開心，笑說：「今次幾得意認識到王陽明，我幾鍾意佢，可能大家有差唔多嘅喜好，同埋佢好得意又好Nice，我唔知點解同啲唔係講廣東話嘅演員合作，會特別投契！」《蝕日風暴》將於今年5月播出，粉絲們很期待！
