受噪音滋擾 搞到抑鬱焦慮 葉翠翠:點解要咁對個大肚婆? (18:00)

文章日期:2018年03月06日

現時懷有第2胎的葉翠翠,近日受噪音滋擾,搞到冇覺好瞓,今早她在facebook留言吐苦水,指囝囝「小王子」又被噪音嚇醒,搞到她要報警求助:「今早7:50 小王子又被嚇醒了,嘈音持續,9:25 在無助之下報警了。我住在這個單位8年以上,從來未試過投訴!每早製造噪音,管理處勸喻,警察勸喻,全部無效,反而變本加厲!!我已經因爲樓上租客搞到有抑鬱症和焦慮症,爸b 非常擔心!

我地(哋)好想搬屋,但我就快生點搬?帶兩個奶樽走?搬去服務式公寓,大公主點算?點解要咁對個大肚婆。。。這家人都有兩個子女,點解要每天嚇醒小王子,做父母真係好心痛。。。點解可以心腸咁。。。我應該點做?跪求大家幫忙。」

之後她再更新facebook,向大家求助:「每早小王子都比噪音吵醒,非常影響他的心理生理發展,做媽媽非常內疚,什麼也做不到,導致我出現抑鬱症和焦慮症,並且每晚失眠。。各位哥哥姐姐,姨姨叔叔,請問我可以點做?跪求大家幫忙」

(即時娛樂)

明報影片