【今日直擊】由Maria Cordero（肥媽）和陸浩明主持的烹飪節目《食好D食平D》，今日於電視城舉行拜神儀式，肥媽表示今輯會教大家用基本的價錢購買高級食材，在家炮製出名貴菜式，讓師奶們多些玩意，「之前幾輯都是得20元一餐，最多都是50元一日，今次有500元煮四餸一湯，可能以前太便宜了，現在要諗點用這500元會很辛苦，因為用唔完。我們會教整花膠松露雲吞雞、黑松露炒蛋等。」
肥媽大爆身邊陸浩明現在變得很嘴刁，食完還要呻晚上又要做運動。陸浩明即被傳媒取笑食咁多好嘢，與女友卻未有「成績」，肥媽亦加把口指他唔結婚又唔生仔，他即笑說：「我會儲在腎裏面，然後一擊即中，時下很多人都生咗先結婚。」肥媽亦鬧爆他說：「哦！你咁鬼衰唔娶人哋﹗佢仲話要我鬧佢先紅喎，這些咪出爐鐵囉，唔打唔得。」
