肥媽窒陸浩明嘴刁﹕食完又要呻

文章日期:2018年03月13日

【明報專訊】由肥媽(Maria Cordero)與陸浩明主持的《食好D食平D》昨日於電視城舉行拜神儀式。肥媽表示今輯會教大家用基本的價錢購買高級食材,在屋企炮製出名貴的菜式,給師奶們多些玩意,她說﹕「今次正呀,之前6輯都是得20蚊一餐,最多50蚊,今次有500元煮四餸一湯。現在要諗點用這500元很辛苦,因為用不完。我們會教整花膠松露雲吞雞、黑松露炒蛋等。」陸浩明坦言跟肥媽拍節目品嘗了不少好嘢。肥媽即爆對方現在很嘴刁,食完還在呻晚上又要做運動。

肥媽又指陸浩明不結婚又不生仔。陸浩明笑說:「我食完會儲在腎裏面,然後一擊即中,時下很多人都生咗先結婚嘛。」肥媽即鬧爆對方﹕「你咁鬼衰唔娶人哋。仲話要我鬧佢先紅喎,呢啲咪係出爐鐵囉,唔打唔得!」肥媽透露去年尾迎來第15個孫,她說:「是孫仔,他不肯做狗,要做雞,所以趕在雞年尾出世。所以去年底要登台,又要陪老公打波和探孫周圍飛,瘦了近20磅。」

記者﹕陳釗

明報影片