【多得三哥唔唱】相隔10年 吳卓羲與黃宗澤合唱新劇插曲 (16:44)

文章日期:2018年03月20日

【今日直撃】吳卓羲與黃宗澤今日為劇集《飛虎之潛行極戰》宣傳,兩人相隔近10年再次合唱,為劇集唱插曲。吳卓羲與黃宗澤一齊拉三哥(苗僑偉)落水,笑指對方不唱,先有機會唱插曲:「本應三哥唱是主題曲,他唔唱就變成插曲,林峯哪首歌就做主題曲,所以我哋冷手執個熱煎堆﹗(林峯甩拖無心機唱?)感情事就唔講,唔理解亦唔方便作答。(無吐苦水?)無苦水,無同我講這些,感情事不是太理佢﹗(會理什麼多?)起居飲食,感情事就問番佢﹗」

至於兩人有多久未合唱過?黃宗澤忘記了是否奧運歌曲,吳卓羲就話世界盃歌曲,計起來都有10年時間。提到《飛虎之潛行極戰》有不少騷肌鏡頭,黃宗澤說:「無咩尷尬,點都會有飛虎操練,又好似現在慣了男人拍戲例必除衫,女士不用除衫。」吳卓羲相反較少騷肌,他否認是自己惜身,劇本無寫當然唔除。

(即時娛樂)

明報影片