田雞（田啟文）接受港台《舊日的足跡》車淑梅訪問。提到今年香港電影金像獎，原來田雞也有叫星爺（周星馳）出席，「我們年年都有叫星爺，但他好忙，這段時間要開工，《美人魚2》要拍到六月。其實我一直在等他叫我埋位，一些幕後人員已經通知我，應該有我份拍，我都希望參與其中。我們緊密合作過13年，我當他是知己，但我唔知有冇咁嘅福份，我當他亦師亦友，我們無將友誼建立在利益上面。」
田雞入行已有40年，他最難忘當年在酒樓賣點心時遇上電台人李學斌，請求對方帶自己入行，對方一句說話更令他茅塞頓開，「我帶你入行好易，但你點樣令自己留低？當時爸爸更潑冷水，文仔不能入娛樂圈，（一）無咁嘅專業、未學過，（二）個樣唔掂又矮，（三）你只有中三程度，（四）屋企等你養…不過我實在太鍾意呢一行，呢一行唔係一份工，而係一個夢想，我終於留低到今日已經30幾年，最近我更被推選為香港電影工作者總會會長，我一則歡喜一則憂，因為會花好多時間，會令到同太太相聚的時間減少。我對她虧欠太多，希望遲啲搵時間去補救，雖然生活上並非100分老公，但我個心向住呢個目標做，希望有生之年可以做到﹗」
