蔡楓華昨晚演出《真．經典電視主題曲演唱會》，台上唱出《變色龍》及《青春三重奏》時，表示心情百感交集，有很多話想說：「當年好羨慕潘志文走紅，後來遇到機會拍劇做男主角，拍《青春三重奏》時是張白紙，一路拍一路學，直到套劇出街好多人叫我阮Sir，我終於明白咩叫走紅，接住再拍《IQ成熟時》，好多人鍾意我，我講嗰時，唔係講依家。」台下即傳出笑聲。
蔡楓華一度叫停音樂再講：「畀多少少時間我講，我1986年在這裡開過6場騷，1990年再返來，之後好耐無來，不知之後有無機會。」他續稱在麗的電視拍《我要高飛》，當時過檔很有光榮感，遇上曾勵珍邀請過無綫，「我過錯無綫，整個《勁歌金曲》畀我，如果我繼續在麗的拍劇，就不會有『一剎那光輝唔代表永恆』啦。」他又再笑說：「蔡楓華不單止識唱歌，都幾幽默﹗有人話『一剎那光輝唔代表永恆』令我走下坡，錯晒，其實有個天王巨星畀我掹咗車邊，嗰個叫張國榮先生呀﹗」
