謝霆鋒與加拿大名廚David Rocco於節目《名廚爭鋒》第二集內，鬥煮順德最有代表性的「煎釀鯪魚」，兩人蒙眼試食過後，就要去街市買材料。霆鋒出現即被粉絲包圍，他說：「落車已經有好多人駐足圍觀兼影相，亦即係話…好難買餸。」而最好笑是霆鋒買了一盤雞蛋時，為著要好好保護，他忍不住大叫：「唔好掂我啲蛋呀﹗」，身旁David見到都話好瘋狂，而他自己因語言不通，差點兒什麼都買唔到，幸好有位識英文的女生幫手翻譯才可以買齊材料。
至於比賽結果，三位評判話霆鋒掌握得非常到位，而David就好有創新，最終判霆鋒以24：23分勝出，兩集總分46：44，領先兩分，而下一集將會去菲律賓再接受挑戰。
