【唐詩詠搞搞震】袁偉豪與林子善大玩HeHe 扮咀變真咀 (17:12)

文章日期:2018年04月06日

【今日直撃】袁偉豪、唐詩詠、朱晨麗及林子善等,今日出席無綫新劇《棟仁的時光》宣傳活動,眾人大玩劇中情節,以不同形式咀嘴,當輪到袁偉豪與林子善時,被身後唐詩詠及朱晨麗合力整蠱,令兩人由扮咀變真咀,相當搞笑。

袁偉豪與唐詩詠活動後一齊接受訪問,對於跟林子善咀嘴感覺,袁偉豪說:「都不是第一次,劇中惜過好多人,超過10個人以上,林子善是其中一個,仲話我個嘴軟綿綿、幾好惜,跟他識太耐,預咗他會隊個嘴過來﹗」至於女友張寶兒會否要追看此劇?袁偉豪笑言全家都要睇,不單止女友的,大家有時間就會睇,在旁唐詩詠即笑他一路睇一路咀,更話辛苦袁偉豪負責劇中咀戲。

提到鄭嘉穎被指於林子善婚禮上與導演爭執的傳聞,兩人同是當晚的兄弟團,袁偉豪就話無留意到,唐詩詠說:「無唔開心嘢發生﹗嘉穎有時個樣唔笑好似黑面,其實不是,他當晚好落力,做了好多嘢、好乖﹗(做了什麼?)在前台迎賓,好乖招呼賓客。(子善爆馬國明唔飲得?)不是,他好犀利,似飲了好多杯紅酒﹗」

(即時娛樂)

明報影片