【明報專訊】陳柏宇日前上載超聲波照片宣布太太符曉薇（Leanne）懷有3個多月身孕，胎兒是囡囡。柏宇受訪時直認心情緊張，連發夢都夢到抱B，絕對是緊張新手爸爸。陳柏宇昨日為電台擔任客席主持，大方分享喜悅，亦在社交平台上載短片，公布BB是小公主，認真可喜可賀。
陳柏宇笑言﹕「我幫囡囡成立基金，朋友都爭住做契爺、契媽，索性將利市放入基金，一齊見證囡囡的成長。」他表示好消息要忍3個月好辛苦，最慘要講大話。他透露太太預產期在10月，好大機會在香港生B。問到老婆會自然分娩還是剖腹生女？他說﹕「她想開刀，但家人跟我說希望她順產，我尊重家人意見，但亦尊重老婆意見，我會做多些資料蒐集再決定。」
造人大壓力 無晒樂趣
問B女是否「泰國製造」？他說：「計數就是的﹗（周柏豪指你快槍手？）其實由去年6月已經試，但一直都不成功。（覺得自己好得？）再不行，我真係唔得，心理壓力好大，將成件事的樂趣拿走。」
緊張又擔心 發夢抱BB
陳柏宇稱BB是驚喜的禮物，但不敢太興奮，因為自己心裏很多不同的擔心，擔心小朋友是否健康、是否健全，令他發夢都夢到抱BB，他說﹕「夢中我要接住BB，好驚險，我要去救他，個BB更在我手臂嘔奶。可能我內心好緊張，但我最不想影響Leanne，暫時見她幾輕鬆，只是作嘔和影響胃口，未太辛苦。」柏宇表示太太一度「見啡」，令她非常擔心是小產，幸好經醫生檢驗後證實無大礙。不過太太Leanne又多一個理由推卸家務，她大可以繼續什麼都不做當皇后。
記者：楊安莉
攝影：黃梓烜
■更多娛樂猛料 ﹕ol.mingpao.com
