【今日直撃】天王劉德華今日與「印度劉德華」之稱的演員阿米爾汗（Aamir Khan）首度碰頭，出席巨星慈善見面會，場面相當墟冚，逾千市民企滿商場6層樓圍觀。
華仔與Aamir會後一同受訪，即被問到是否覺得似對方？華仔說：「大家都係咁靚仔。」Aamir就覺得大家眼神好似，好期待有否合作機會，要看會否遇到合適劇本。華仔又指二人在後台有傾談，知道Aamir拍緊戲，對方亦知他忙搞演唱會，一樣希望有機會合作。至於有否機會合唱？Aamir表明自己唱歌唔好，但可以為華仔伴舞。
當問到想和華仔以外那位香港演員合作時，華仔即搞笑搶答無其他人，Aamir就謙虛話香港有好多出色演員和音樂人，都想跟不同人合作，亦有邀請華仔去印度行下。華仔就話想去印度搞演唱會，Aamir讚好之餘，又重申可以為華仔伴舞。
