【明報專訊】容祖兒、蔡卓妍（阿Sa）、趙薇、陳慧嫻、陳豪、陳茵媺、杜德偉夫婦等大批圈中好友前晚欣賞古巨基演唱會，眾人看到他突然消失舞台都嚇得目瞪口呆，完騷後好友們亦到後台等基仔。
阿Sa說見基仔發生意外時嚇到胃痛﹕「喺發生意外後，全場好似靜止咗，無人出聲。我同祖兒過咗一陣覺得有點不對路，於是就走入後台，看看有什麼要幫手。幸上天係一定眷顧好人，希望接着下來幾場平平安安，基仔加油！」容祖兒說﹕「基仔突然消失，台上又熄燈，全場鴉雀無聲 ，我嚇到擘大個口得個窿，之後入後台看是否可以幫手。我覺得古巨基好勁，咁跌法，但他堅持繼續唱，意志力、毅力驚人，面對觀眾朋友，他一定要完成個騷，我好佩服你，古巨基。」
文﹕娛樂組
■更多娛樂猛料 ﹕ol.mingpao.com
