昨晚古巨基在紅館舉行第4場演唱會，邀請「新五虎」擔任表演嘉賓，勾起大家集體回憶，他們在台上吹水互窒，爆笑連場。
相關新聞：【笑爆嘴】「新五虎」吹水互窒 劉愷威笑基仔：佢好濕
相關新聞：【集體回憶】「新五虎」齊腳唱《當年情》 重影經典甫士
不過最令觀眾興奮，是四虎問觀眾想聽什麼歌時，觀眾起哄大叫由古天樂唱的《男朋友》及《今期流行》，現場更即響起《今期流行》的音樂，古仔聽到之後即指著控制台監製錢國偉的位置笑說：「肥仔，你唔係真係玩嘢呀？」何遠恒和吳家樂已經隨著音樂，大跳古仔當年的「拜神舞」，令觀眾捧腹大笑，不過古仔就求大家放他一馬：「唱歌可以唱，但舞就唔好迫我跳啦！我拜神拜咗咁多年，唔好搞我啦﹗ 」
之後基仔出來，與四虎邊唱《我愛毛查查》和《花灑》，邊跟觀眾握手，之後連基仔都搞笑扮跳「拜神舞」，掀起全晚高潮。
