【銀屑病受控】張頴康著短衫褲出街:唔需要理其他人目光 (22:13)

文章日期:2018年6月21日

張頴康早前被俗稱「牛皮癬」的銀屑病困擾,近年病情受到控制,昨天他在社交網貼相及撰文,相中張頴康身穿背心和短褲,他表示回想年幾前,每次去健身室,都要身穿長衫長褲,因為要遮住身上多處紅印:「『突然有一點感觸』今日去健身室做運動嘅時候,諗返起一年幾前,每次去健身室都係要著長衫長褲!著長衫長褲,唔係因為要焗啲汗出嚟,而係要遮住身上面一笪笪(一撻撻)嘅紅印!

呢一年嚟,我嘅銀屑病已經控制得好好,已經去到PASI 90,可以喺夏天嘅時候,每日都著住短衫短褲出街,可以去海灘游泳池游水,無需要再理會其他人對我嘅目光!

今日影呢張相,係好想提醒自己繼續向住PASI 100呢個目標進發,繼續努力!同時亦希望鼓勵到其他銀屑病患者,唔好放棄!銀屑病唔係冇得醫,係可以控制得好好!

我係一個普通人,我都醫得好!所有銀屑病患者都係普通人,我深信,只要肯堅持,一定會醫得好!

#張頴康 #銀屑病 #銀屑病關節炎 #生物製劑 #PASI100 #主動出擊問問醫生 #治療達標掌控生活 #銀屑病不是傳染病」

張頴康在文中所提及的PASI(Psoriasis Area and Severity Index),即是銀屑病面積及嚴重程度指數,而PASI後面的數字,則指代表經過治療後,較用藥前得到幾多改善。

(即時娛樂)

明報影片