今屆世界盃開始了一段時間，已經踢到16強大部分賽事，身為「波牛」的梁漢文（Edmond）原來仍未出過去睇波，他打算昨晚相約朋友睇波，豈料一睇就發生意外。
今日凌晨4點幾，Edmond在社交平台上載受傷照，見他額頭貼了大紗布，表情有點無奈，看來傷勢不輕，他留言說：「今屆世界盃都未試過出去睇場波，突然心血來潮打俾（畀）我兄弟問佢係（喺）邊，佢咁岩（啱）喺卡拉OK，當時我的感覺直情係緣份到了，可以一齊睇波、點知意外就係意外，冇得解釋，竟然可以一邊唱住人哋想我唱嘅『一世一次戀愛』、個頭直接撞落枱角，流血不止，經過一大輪嘅討論，我決定聽朝做一個大手術，所以我之後會好靚仔good nite，大家不用擔心」
