陳柏宇（Jason）和太太符曉薇今日結婚一周年紀念日，兩口子揸車外出玩樂，誰不知今日是借用朋友車，Jason連續2次衝過自動繳費而無付費，之後全程喪笑被符曉薇拍下來及上載社交平台，符曉薇明窒Jason表示：「條友記憶又升（昇）華 平時自己車用開自動繳費 但佢忘記咗呢部唔係自己車 過隧道唔比（畀）錢直行直過 仲要連續兩次 我地（哋）會唔會結婚週（周）年比人通緝 佢記性仲衰過大肚婆 萬眾期待嘅日子 今日陳生終於放假 我地（哋）終於可以拍下拖 行下（吓）街 食下（吓）飯 慶祝埋我地（哋）第一個結婚週（周）年 同第七個拍拖週（周）年 一齊左（咗）七年一d（啲）癢都無 仲每天愛佢多一些 有時仲難捨難離 希望呢個感覺到永遠」
Jason轉載老婆短片外，亦有自拍撐枱腳照，並留言話：「一加六周年紀念日。原來變咗個公眾假期添！我結婚周年原來係咁大件事嘅…」
