【對得自己過得人】劉浩龍除衫影寫真:最好嘅生日禮物 - 20180728 - SHOWBIZ - 明報OL網

【對得自己過得人】劉浩龍除衫影寫真:最好嘅生日禮物 (11:45)

文章日期:2018年7月28日

劉浩龍(師兄)早前為了4月個唱努力操肌,成功與花名「肥龍」講拜拜,而師兄事後一直保持最弗狀態,原來就是為了這輯寫真,今朝一早在社交平台派福利,先行預告兩張相當Warm up,感覺上比演唱會更弗。

師兄更發長文講解前因後果,「2018年1月27日 我鼓起勇氣立定目標,一定要用最好狀態去迎接我4月27號演唱會。演唱會過後,好多朋友都會覺得我好快就會還原基本步,變返一條肥龍!但我好好彩,俾(畀)我遇着一位有心人。有一日我Facebook inbox收到一位朋友嘅message!佢就係名攝影師劉翁 以下對話非常搞笑 劉翁:你既然操到咁fit,有冇興趣除衫我幫你影寫真啊?(點解咁似啲金魚叔叔騙案嘅)跟住我諗都冇諗一口就應承咗啦!之後我繼續用三個時間月去苦練。今日終於完成咗呢輯相啦!當然我覺得仲有好多進步嘅空間,但係我撫心自問係呢六個月裏面我已經盡晒力去堅持自己呢個信念 真係冇偷過懶,對得自己過得人!放心,過埋生日我又會繼續練習㗎啦!呢一輯相就當送俾(畀)自己最好嘅生日禮物啦 再操好啲,下次再影過 #其實今日輯相唔係咁嘅 #我哋今日嘅主題係顏色同埋煙 #希望可以好快比到大家睇 #呢啲相係今日用來WarmUp嘅 #不過我都已經好鍾意 #只要堅持冇嘢做唔到嘅 #727啱啱好又半年 #727陳奕迅生日快樂」

(即時娛樂)

明報影片