【K4成員】樂瞳朱敏瀚撐開糖水舖 羅鈞滿:希望做得好好睇睇 (16:29)

文章日期:2018年8月8日

羅鈞滿離開無綫後未有停下來,繼續幕前演出之外,更做老闆進軍飲食業,今日位於油麻地的糖水舖新開張,獲昔日《點解阿Sir係阿Sir》「K4」好兄弟樂瞳、朱敏瀚及黃得生力撐外,前輩彭健新及吳岱融亦有來捧場。

羅鈞滿開心表示:「其實4、5年前已經有同幾個朋友有開糖水舖的念頭,不過當時TVB的工作都好忙,無時間付諸實行,最終機緣巧合遇上幾位果欄朋友,大家一拍即合,加上新店位於果欄附近,成件事好快就一步一步咁到今日開張。最感激是樂瞳、朱敏瀚及黃得生幾位好兄弟,咁多年來互相撐住大家,今次一知道我開糖水舖,佢哋二話不說就應承來撐場,而今朝9點幾到舖頭準備時候,就好Surprise,原來三位兄弟送咗個花籃俾我,真係完全無估到!」

羅鈞滿指今次開舖學了不少新事物,會半夜去果欄幫手學習批發及零售,希望從整個流程中都出一分力,更開心很多朋友和娛樂圈前輩都話過來支持,所以自己希望做得好好睇睇,加上食甜品是件令人開心的事情,希望大家食完之後都開開心心。

(即時娛樂)

明報影片