27歲的李蘊於本月8日誕下細仔，跟兩歲囡囡湊成「好」字，不過近日李蘊發現囝囝患有「蠶豆症」，所以黃疸偏高，昨天要去照燈，李蘊在社交平台上載囝囝嘔奶照，她說：「影完先知個仔嘔奶 細佬係蠶豆仔（蠶豆症）所以黃疸偏高 今（昨）日要照燈啦 不過唔使驚 好快就可以返屋企 另外 蠶豆症依家應該幾普遍 一百個人入面都有四個人有 自己表弟同契仔都有 有無蠶豆症bb嘅媽媽分享下湊蠶豆B同普通B有咩分别呢？」
之後她再在instagram上載已泵好的母乳照片：「人奶媽唔懶得 就算BB照緊燈唔係（喺）身邊 一樣要定時揸/泵出黎（嚟）拎去醫院比（畀）BB食 大半天的成果 對於未上曬奶嘅我黎（嚟）講 都ok滿意啦 #產後第六天 #願奶路暢通」
