李蘊的初生B仔因為有「蠶豆症」，黃疸偏高，所以要照燈，目前B仔仍要瞓廂，李蘊在社交平台代囝囝留言：「哎呀！醫生仲未放我返屋企啊！好彩媽媽每日都嚟拎奶奶俾我飲！好味道！」之後李蘊再在instagram分享餵母乳心得，她強調自己並非專家，只想以個人經驗分享。
李蘊說：「首先 唔好怕會肥 食多啲飯 飲多啲湯水/炒米茶 其次 勤力餵 埋身餵係最快上奶嘅方法 當然要同BB多練習 唔好比佢只吸乳頭 要吸大部分乳暈 如果唔係就好易損 超痛又流血 到時又有藉口放棄人奶㗎啦
不過基於我仔仔照緊燈 就要靠自己手揸啦 我無用電泵 因為開頭怕泵傷乳腺 只係用暖水按摩乳房後用接奶神器（圖二，純分享非廣告）吸住乳房睇住佢由一滴一滴至到有奶陣（有奶柱噴奶）睇住仔仔嘅相/影片 奶陣好快就會黎（嚟） 係好神奇㗎
個腦控制奶陣 要成日諗住『仔仔要奶奶』『仔仔要奶奶』 咁就有奶㗎啦 同埋心情真係好影響奶量㗎 個人唔開心奶都少好多 要保持好心情 覺得自己係全世界最幸福嘅人 奶路就自然暢通無阻啦」
相關新聞：【出世第六天】B仔患「蠶豆症」黃疸偏高 李蘊：要去照燈
