太太生完就Kiss第二個 朱晨麗笑譚俊彥有艷福 (19:31)

文章日期:2018年8月20日

朱晨麗與譚俊彥於無綫新劇《特技人》中有感情線,日前播出兩人的結婚戲,看似有情人終成眷屬,可惜只是一場戲中戲,最後譚俊彥要抱起朱晨麗逃走。

不過譚俊彥這次型到爆場面,可謂有苦自己知,皆因前一天他拍攝另一場戲受傷,要入院縫了廿多針,朱晨麗亦為拍檔大為擔心,她說:「我驚佢隻手個傷口爆,所以自己都有就力,令佢冇咁辛苦,好在最後拍幾次就OK!」

提到與譚俊彥合作,朱晨麗大讚對方說:「真係好似『大師兄』咁,好照顧我哋成Team人,記得舊年開工頭幾日佢生日,我就準備蛋糕一齊慶祝,當時大家都未熟,佢有少少尷尬,不過好好快熟絡,最深刻係拍Kiss戲,因為當時佢個仔出世第2日,成個劇組都戥佢再做爸爸開心,我覺得譚俊彥直頭係大贏家,太太生完第2日就Kiss第二個,好有艷福!」

(即時娛樂)

明報影片