俗語有云：有其父必有其子！外形神態與李小龍有幾分相似的陳國坤，人稱「小龍」，十年前曾拍攝《李小龍傳奇》。而他與黃依汶的兩歲半仔仔陳真，亦遺傳了老竇的武打基因，同樣愛打功夫。黃依汶昨晚就在ig連環出po記錄仔仔練功過程。她先上載一段陳真學截拳道的短片，並留言說：「係你話要學功夫㗎 #冇逼你架(㗎)」，片中見陳真跟師傅練踢腿，抓緊兩個拳頭仔在踢靶，加上響亮的「呀！」聲，似模似樣，臨尾仲識望鏡頭笑，相當可愛。
接住再曬陳真戴住頭盔、拳套，著住背心的型仔相，表情仲要chok到爆，不過唔覺意露出了小肚腩，黃依汶留言說：「動作演員兒子的命運...兩歲半就要學功夫 #有姿勢無實際 #人人有功練 #截拳道體育館 #老竇要你Man d #你要收肚腩」。不少網民大讚陳真靚仔又打得，將來一定迷倒不少女生。
最後黃依汶捕捉到陳真的出拳相，眼神似足老竇，她再留言說：「兩歲半散打王#絕對有姿勢 #絕對冇實際 #刻苦耐勞的開始 #因為太斯文爸爸要你練拳 #加油仔 #2.5years old baby」原來是陳國坤覺得兒子太斯文，下令要佢練拳，網民都紛紛留言幚陳真打氣，叫佢加油，還讚佢個眼神不得了。
