現年34歲的鍾嘉欣今日宣布誕下可愛兒子Jared，各方好友即送上祝福。雖然嘉欣正在加拿大休養，但她也特意透過錄音越洋向傳媒分享喜悅，從聲線聽得出精神不錯。
嘉欣說：「我好開心今日可以同大家宣布，我啱啱生咗阿仔喇，佢好健康，名字叫做Jared Anthony Leung，佢算係一個大B，出世時重7磅14安士，有好多頭髮，好似家姐Kelly，我哋全家都講笑好似生咗龍鳳胎，因Jared和Kelly真係好似樣。今次生B過程算很順利，都是順產，雖然好痛、好痛、好痛，但最特別今次選擇喺屋企生，因為加拿大係好支持Natural Delivery（自然分娩），我好感恩和幸運，搵到一班好好的助產士，佢哋好專業，畀咗好好嘅Emotional Support（心靈上的支持）我，亦畀咗好多Personal（個人化），好compassionate（關懷備至）嘅照顧去教導我一啲techniques（方法），令我生B嘅過程更加順利，更加安全，同埋更加相信去聽自己的身體去生BB，我覺得呢種感覺好Empowering（自主），同老公商量完就選擇呢一個方法去生BB了，我覺得絕對係一個很難忘的經歷，同我個仔同我個family一齊，我現在休養期間和坐月，要照顧好阿仔，同埋好緊要要照顧好家姐Kelly，因為呢段時間突然多咗個BB，我一定要擺返多啲時間喺Kelly身上，令佢覺得OK。」
去到最後，嘉欣表示好希望快點介紹個仔畀大家識，同埋好希望好快見到大家，希望大家take care，多謝所有朋友、觀眾、傳媒嘅支持和祝福。
