曾志偉昨晚出席電影《黃金兄弟》首映禮，對於身為該片的導演錢嘉樂指他下聖旨任拍，志偉笑說：「都洗濕個頭，老闆睇完毛片又話好，就繼續去，最重要睇成績，大家喜歡。拍了兩億幾，無想過這麽貴，自己都未拍過這麽貴，作為監製就不想導演有擔憂，好似縱壞兒子似的，班老闆吃飯都問我和嘉樂點解仲未上契？他們日日上香，等回本先可拍續集。」
提到好友陳百祥（阿叻）諷刺他發達不認人，更未獲邀睇首映，志偉反駁：「我叮囑製片親自打畀阿叻，你唔得閒就話自己無收電話，跟他畀買馬貼士一樣，不可信。」至於阿叻又爆他成橫店首富，坐擁市值30億的酒店，志偉笑說：「如果我有仲使做咩！我只是打工仔，經常上橫店拍戲，畀小份買1、2間咋。」
