【巴黎時裝周】影結婚6周年相 杜德偉做太太專屬攝影師 (13:15)

文章日期:2018年10月1日

杜德偉(Alex)日前應邀出席巴黎時裝周,工作之餘更擔任同行的太太李曉冰專屬攝影師,Alex笑說:「啲景咁靚點可以唔影,啲相靚到當作係結婚六周年紀念相。(太太有什麼意見?)靚人加靚景,又點會唔靚。老婆都應該滿意的,佢不嬲對我的技術都有信心,咁我都覺得啲相係靚。」

提到10月2日是囝囝AJ的2歲生日,身為廿四孝老竇的Alex想在巴黎挑份生日禮物,他說:「覺得唔一定要買好貴好靚的名牌,最緊要合適,啱用就得。平日都鍾意幫佢襯衫,今次都想買件衫做生日禮物,或者佢而家未必明白這份心意,希望佢大個會感受到。」Alex指今次匆匆完成巴黎之行,除了為AJ慶祝生日之餘,還要為10月3日和楊千嬅的騷綵排。

(即時娛樂)

明報影片