鍾鎮濤（B哥）將於11月於紅館舉行兩場演唱會，藉此想幫助香港喜歡音樂的一班年青人，發起「要是有緣、紅館見」活動，只要被他揀中，就可以上紅館當其中環節的演出嘉賓。B哥說：「諗番起我以前溫拿夾band，都真係好需要遇上伯樂，遇上有人比機會自己，先可以咁好運，做到自己鐘意的音樂突圍而出，一直唱到依家。既然過去係人地畀機會我，今日我可以有能力，都想試下畀番機會後輩。如果你真心唱得好，我又鐘意，咁就upload條唱歌片上facebook及tag我，我會揀兩個真係唱得好，11月上來紅館同我唱。」B哥指參加唯一條件是未上過紅館唱歌，就算是唱片公司新人也歡迎。
相隔十年再開個唱，B哥指老婆幫他設定10月中要閉關，不可以再約朋友去玩或應酬，「她驚我出得去多，一陣唔覺意惹上感冒，搞到自己開演唱會個陣不在最佳狀態就唔好。」
