張頴康和老婆麥雅緻結婚六年，婚後育有一對仔女，分別是四歲女兒，以及一歲囝囝，兩公婆不時在網上放閃曬幸福。原來今日是他們結婚六周年，不過由於阿康今天全日開工，所以昨晚兩公婆撇低仔女，「偷走」出去過二人世界，今早阿康在社交網放閃，阿康和雅緻恩愛惜惜，二人又一人吃一件格仔餅，之後還拍拖睇戲。
阿康說：「六年前嘅今日，有個女仔奮不顧身，不顧後果咁嫁咗俾（畀）我！今日，因為全日都要開工，所以噚晚兩個偷走出去睇場戲、食餐飯、拍吓拖！我同我老婆講：『第時我要同你慶祝60週年結婚紀念日』
我老婆話：『都唔知我哋有冇咁長命喇』我心諗，冇錯，我真係唔知有冇呢一日！不過，我深信，只要有呢個信念，往後嘅日子，我哋一定唔會浪費相處嘅時光！老婆，多謝你俾（畀）咗個屬於我哋嘅家，我愛你！期待60週年同你用假牙食飯慶祝！」
