【拍到散晒】王君馨檢查有冇腳震 王梓軒:驚我拋她落水 (21:17)

文章日期:2018年11月27日

王梓軒日前拍攝劇集《是咁的,法官閣下》插曲《夜曲十七章》的MV,邀來同劇演員王君馨擔任女主角。王梓軒自爆為此閉關練舞多日,可是去到現場還是「蝦碌」連場,「因為今次MV要走景拍攝,舞步又超高難度,要君馨轉到頭都暈晒穿越我下半身,加上沙灘凹凸不平,真係高難度動作!當日跳咗五、六個鐘,拍完都散晒!臨尾嗰幕,君馨要檢查我有冇腳震,她驚我再無體力抱起她,會將她拋落水!」

王梓軒大讚君馨有義氣,適逢拍攝時天氣轉冷,仍穿吊帶裙上陣,更有參與創作部分,「她算唔話得,有份諗今次構思,即使拍完自己部分仍留下來陪我,齊齊凌晨三點幾先收工!今次真的無以為報,未來她用得著我就開聲,隨傳隨到!」

(即時娛樂)

明報影片